Loyiha to’g’risida 
2016 yilda Britaniya Kengashi, O'zbekiston Respublikasi Oliy va o'rta maxsus ta'lim vazirligi hamda Respublika Ilmiy-amaliy innovatsion markazi bilan hamkorlikda mamlakatdagi nofilologik ta’lim muassasalarida o'quv rejasi,  materiallar va baholash ishlarini isloh qilishga qaratilgan EnSPIRe-U (O’zbekistonda muayyan maqsadlar uchun integratsiyalashgan islohotlar doirasida ingliz tili) dasturini ishga tushirdi.

Sinov loyihasida ishtirok etish uchun 31 ta oliy o'quv yurtlari taklif etildi.

Loyihaning umumiy maqsadi milliy darajada muayyan maqsadlarga yo’naltirilgan islohotlar doirasida ingliz tiliga (ESP) yaxlit yondashuvni ishlab chiqish va islohotlarni muvaffaqiyatli amalga oshirish uchun asosiy jarayonlar xaritasini tuzishdan iboratdir. EnSPIRe-U loyihasi ostida ESP sohasida yangi o'quv rejasi, o'quv dasturlari, o'quv materiallari, baholash mezonlari va o'quv tadbirlarini ishlab chiqish va amalga oshirishga yaxlit yondashuvni joriy etish rejalashtirilgan.

Loyiha ESP islohotlari doirasida asosiy manfaatdor tomonlarni, bir nechtasini nomlaydigan bo’lsak, jumladan ta'lim muassasalari (ularning xodimlari va talabalari), bitiruvchilar, ota-onalar, mustaqil baholash va ekspertiza idoralari, ish beruvchilar, mijozlar, noshirlar va ommaviy axborot vositalarini jalb etgan holda, birgalikda ish olib boradi. 

Pirovard natija o’laroq, loyiha O'zbekistondagi nofilologik ta’lim muassasalarida ingliz tilini bilish darajasini oshirish va ingliz tilini o'qitish va baholashni kuchaytirishga qaratilgan. Bundan tashqari, loyiha o'quv rejalarini ishlab chiqish, materiallarni tayyorlash, o'qitish va baholash bo'yicha milliy ekspertlar tarkibini shakllantirishga qaratilgan.

Loyihani amalga oshrish orqali biz:

  • 2016 yilda 31 ta nofilologik ta’lim muassasalarida talabalar, o'qituvchilar, mutasaddi rahbarlar va ish beruvchilar tomonidan to'plangan ma'lumotlar asosida mavjud standartlar, baholash mezonlari, ingliz tilini o’rgatish (ELT) amaliyoti, materiallar, dars rejalari va o'quv rejalarini tuzish bo'yicha bazaviy tadqiqotlar o'tkazdik
  • Barcha ishtirok etuvchi ta’lim muassasalaridagi tanlangan o'qituvchilar orasida Britaniya Kengashining Aptis testini o'tkazdik
  • To'plangan dalillarga asoslanib, O'zbekistonda ESPga yaxlit yondashuvni ishlab chiqdik
  • 2017 yil sentyabr va 2018 yil yanvar oyida biz loyiha jamoasi uchun ko’nikmalarga asoslangan ESP o'quv rejasi va moslashuvchan dars rejalarini ishlab chiqish bo'yicha o'quv tadbirlarini o'tkazdik

2018-2019 yillardagi rejalarimiz: 

  • Har qanday ESP holatiga moslashtirilishi va tadbiq etilishi mumkin bo'lgan zamonaviy, moslashuvchan materiallarning modellarini ishlab chiqish;
  • xalqaro standartlarga (CEFR) muvofiqlashtirilgan, o'quv materiallari asosida hamda o'quv rejasi va dars rejalarini moslashtirish orqali, baholash usullari va mezonlarini ishlab chiqish;
  • yangi o'quv rejasi asosida o'quv materiallarini ishlab chiqish va yangi uslublarni joriy etish bo'yicha o'quv tadbirlarini ishlab chiqish va o'tkazish;
  • ishtirok etayotgan ta’lim muassasalarida talabalarning ingliz tilini bilish darajasini oshirish;
  • zamonaviy uslublar va ESP bo’yicha mahoratni oshirish mashg'ulotlarini o'z ichiga olgan, kurs materiallarini samarali yetkazib berish orqali, sinflarda o'qitish va o'rganishni takomillashtirish;
  • xalqaro standartlarga muvofiq ESP talabalari uchun imtihon topshirish vositalarini ishlab chiqish;
  • O'zbekiston bo'ylab oliy o'quv yurtlarida ingliz tilini o'qitish va o'rganish standartlarini takomillashtirish.

Loyiha besh yo'nalishdan iborat::

  1. O'quv rejasi
  2. Materiallar ishlanmasi
  3. Baholash
  4. Murabbiylarni tayyorlash
  5. Har bir yo'nalish uchun asosiy tamoyil hisoblanuvchi standartlar

O'quv rejasi qanday ko’rinishda:
CEFR standartlariga asoslangan umumiy, moslashuvchan, ammo batafsil hujjat, u har qanday mutaxassislik sohasi bo’yicha ta’lim berishni o'z ichiga oladi. Davlat tomonidan tasdiqlangan hujjat har bir muassasaga yetkazlilishi kerak.

Materiallar ishlanmasi qanday ko’rinishda:
Biron umumiy darslik ko’rinishida emas, biroq ta’lim muassasasi tomonidan predmetga xos materiallarni ishlab chiqish uchun andoza sifatida qo’llanishi mumkin bo'lgan, materiallarning umumiy namunalaridir. Tayyorlangan bir guruh murabbiylar butun mamlakat bo'ylab ESP o'qituvchilariga materiallarni ishlab chiqish bo'yicha treninglar o'tkazadilar.

Baholash qanday ko’rinishda:
Baholash o'quv materiallari asosida va CEFRga muvofiqlashtirilgan bo’lishi kerak. U milliy umumiy andozaga asoslanishi kerak, keyinchalik uni har qanday ta’lim muassasasi talabalarning predmetga xos talablariga moslashtirishi mumkin.

O’quv tadbirlari qanday ko’rinishda: 
O'qituvchilar uchun o'quv tadbirlari bir nechta yo'nalishga – o'qituvchilarga yangi dasturni amalga oshirishga imkon beradigan yangi uslubiyatga, ESP materiallarini ishlab chiqish va baholash bo'yicha ko'nikmalarga qaratilishi kerak.

Loyiha ishtirokchilari:

  1. Andijon mashinasozlik instituti
  2. Buxoro davlat universiteti
  3. Farg'ona politexnika instituti
  4. Guliston davlat universiteti
  5. Jizzax politexnika universiteti
  6. Berdaq nomidagi Qoraqalpoq davlat universiteti
  7. Qarshi davlat universiteti
  8. Namangan davlat universiteti
  9. Kamoliddin Behzod nomidagi Milliy rassomlik va dizayn instituti
  10. Navoiy davlat konchilik instituti
  11. Ajiniyoz nomidagi Nukus davlat pedagogika instituti
  12. Samarqand davlat iqtisodiyot va servis instituti
  13. O'zR Korporativ boshqaruv ilmiy-ta’lim markazi
  14. Toshkent avtomobil va yo'llar qurilishi instituti
  15. Toshkent kimyo texnologiyalari instituti
  16. Toshkent moliya instituti
  17. Toshkent san'at va madaniyat instituti
  18. Toshkent irrigatsiya va melioratsiya instituti
  19. Toshkent fizkultura instituti
  20. Toshkent temir yo'l muhandislari instituti
  21. Toshkent to'qimachilik va yengil sanoat instituti
  22. Toshkent tibbiyot akademiyasi
  23. Toshkent pediatriya tibbiyot instituti
  24. Toshkent davlat agrar universiteti
  25. Nizomiy nomidagi Toshkent davlat pedagogika universiteti
  26. Beruniy nomidagi Toshkent davlat texnika universiteti
  27. Toshkent davlat iqtisodiyot universiteti
  28. Toshkent davlat yuridik universiteti
  29. Toshkent axborot texnologiyalari universiteti
  30. Termiz davlat universiteti
  31. Jahon iqtisodiyoti va diplomatiyasi universiteti
  32. Urgench davlat universiteti
  33. Mirzo Ulug'bek nomidagi O'zbekiston Milliy universiteti
Share this