Britaniya Kengashining O‘zbekistonda ingliz tilini baholash bo‘yicha 1-konferensiyasi o‘tkazilishini mamnuniyat bilan e’lon qilamiz.

«New Directions in English Language Assessment» bu Britaniya Kengashi tomonidan har yili oʻtkaziladigan bir qator konferensiyalar boʻlib, ularda mahalliy va xalqaro miqyosda ingliz tilini baholash tendensiyalari va yondashuvlari bo‘yicha istiqbollar va tushunchalar taqdim etiladi. Konferensiya siyosat uchun mas’ul shaxslarni, amaliyotchilarni va tadqiqotchilarni innovatsion yondashuvlar va amaliy yechimlarni taqdim etish uchun birlashtirishga qaratilgan. Unda asosiy e’tibor real hayotiy misollar va bajarilayotgan ishlar bo‘yicha hisobotlarga qaratiladi.

Sanalar: 15-17 noyabr

Joyi: onlayn

Mavzular:

Birinchi kun Siyosatdan amalga oshirishgacha
Ikkinchi kun Siyosatni amalga oshirish uchun oʻqituvchilarni tayyorlash
Uchinchi kun Oʻqituvchilar: Siyosat va oʻquvchilar natijalari oʻrtasidagi koʻprik

Vebinarni quyida tomosha qiling

New Directions haqida

«New Directions in English Language Assessment» Britaniya Kengashining til sinovi va baholash boʻyicha asosiy konferensiyasidir. 2013 yilda tashkil etilganidan buyon oʻnta konferensiya oʻtkazildi - sakkiztasi Sharqiy Osiyoda va ikkitasi Lotin Amerikasida. Konferensiya mahalliy, mintaqaviy va xalqaro miqyosda ingliz tilini bilish darajasini baholash tendensiyalari va yondashuvlariga oid istiqbol va tushunchalarni taqdim etadi.

New Directions maqsadlari:

  • Ta’lim tizimlarida ingliz tilini baholash sohasida zamonaviy rivojlanishlar va ilg‘or tajribalar almashish uchun noyob platforma yaratish.
  • Mintaqaviy va xalqaro mansabdor shaxslar, ta’lim mutaxassislari, oʻquv muassasalari mutaxassislari, oʻqituvchilar va baholovchilar oʻzaro aloqada boʻlishlari, ma’lumot almashishlari va sohadagi yetakchi oʻzgarishlardan xabardor boʻlishlari uchun faol makonni ta’minlash.
  • Mahalliy ehtiyojlar va global standartlarga javob beradigan baholash yechimlarini izlash uchun bir qator mintaqaviy va xalqaro ekspertlar oʻrtasida doimiy muloqotga koʻmaklashish.

Bu yilgi «New Directions East Asia 2021» konferensiyasi 10-11 dekabr kunlari boʻlib oʻtadi va “Adolatliroq, yashilroq, kuchliroq: tilni baholash kelajagi” mavzusiga bagʻishlanadi. Konferensiyada til sinovi sohasi, boshqa barcha sohalar singari, o‘tgan yil davomida sezilarli uzilishlarni boshdan kechirgani tan olinadi.

«New Directions Turkumi 2021» haqida

New Directions turkumi taʼlim tizimlarida ingliz tilini bilish darajasini baholash boʻyicha zamonaviy ishlanmalar va ilgʻor tajribalar bilan bogʻliq tadbirlarni oʻz ichiga oladi. Tadbirlar yil davomida dunyoning turli mamlakatlarida oʻtkaziladi.

Konferensiyada O‘zbekistondagi Britaniya Kengashi va hamkor tashkilotlar to‘rtta asosiy gʻoyani ilgari suradilar.

  1. Formativ baholash o‘rganish va o‘qitishni takomillashtirishning asosiy omilidir.
  2. O‘quvchilar natijalarini yaxshilash uchun tizimni moslashtirish zarur.
  3. Tilni baholashda savodxonlik o‘quvchi natijalarini yaxshilash uchun zarurdir.
  4. Kommunikativ yondashuv bo‘yicha o‘qitilgan talabalarning natijalarini an’anaviy usul bilan emas, balki faqat kommunikativ til testi yordamida baholash mumkin.

Ma’ruzachilar

Yalpi majlisdagi ma’ruzachilar

  • Professor Barri O’Sallivan B.I.O.
  • Professor Entoni Grin
  • Dosent Kristin Kumbi
  • Tom Kidl

Munozara ishtirokchilari va taklif etilgan ma’ruzachilar

  • Yayra Abduraimova, O‘zbekiston jahon tillari universiteti
  • Erika Balaz, Britaniya Kengashining Baholash bo'yicha echimlar ishlab chiqaruvchi jamoa
  • Ninaz Ichaporia, Britaniya Kengashi, Hindiston
  • Steve King, Cambridge Partnership for Education
  • Nargiza Kuchkarova, Prezident ta’lim muassasalari agentligi, O‘zbekiston
  • Hugh Moss, Cambridge Assessment English
  • Erkin Muhamedov, Toshkent Shahridagi Vestminster Xalqaro Universiteti, O‘zbekiston
  • Stiven Myurrey, Britaniya Kengashi, Tayvan
  • Mark O’Sallivan, Britaniya Kengashining Baholash bo'yicha echimlar ishlab chiqaruvchi jamoa
  • Sardor Radjabov, O‘zbekiston Davlat test markazi
  • Ralf Rodjers, Britaniya Kengashi Tayvan
  • Muhammadxon Soliyev, Chet tillarni o‘rganishni ommalashtirish agentligi, O‘zbekiston
  • Svetlana Xan, Chet tillarni o‘rganishni ommalashtirish agentligi, O‘zbekiston

Konferensiya moderatorlari va maslahatchilari

  • Doktor Viktoriya Klark, Britaniya Kengashining Baholash bo'yicha echimlar ishlab chiqaruvchi jamoa
  • Doktor Joanna Motteram, Britaniya Kengashining Baholash bo'yicha echimlar ishlab chiqaruvchi jamoa
  • Mina Patel, Britaniya Kengashining baholash bo‘yicha tadqiqot guruhi

Bizning hamkorlarimiz

  • O‘zbekiston Respublikasi Vazirlar Mahkamasi huzuridagi Chet tillarni o‘rganishni ommalashtirish agentligi
  • O‘zbekiston Respublikasi Vazirlar Mahkamasi huzuridagi Prezident ta’lim muassasalari agentligi
  • O‘zbekiston Respublikasi Oliy va o‘rta maxsus ta’lim vazirligi
  • O‘zbekiston Respublikasi Xalq ta’limi vazirligi
  • O‘zbekiston Respublikasi Vazirlar Mahkamasi huzuridagi Davlat test markazi
  • O‘zbekiston davlat jahon tillari universiteti
  • Toshkentdagi Xalqaro Vestminster universiteti
Share this